塞翁失馬 焉知非福

不是不想支持老店，但明明無坐滿客，差不多每張枱都只得一兩個客食緊，但美都話而家無位喎！哦！咁咪去第二度，反正美都的生意唔憂做，自己店舖自己人唔使好大皮費，唔想招呼咁多客，唔想廚房做得咁辛苦，唔想人多搞污糟要抹地果位仁兄咁辛苦，咁我就唔好阻住，所以唔會係度等，美都各位慢慢食慢慢做慢慢...。

求其行，見到呢間小店唔錯，入去碰下運氣，它的食物似我地兒時快餐店的味道，價位亦唔錯，蕃茄炭燒雞扒意粉連即磨咖啡都係$47，咖喱菠蘿漢堡扒意粉連即磨咖啡$35，味道唔錯，尤其雞扒好好食，蕃茄醬好有新鮮蕃茄味而唔係人工蕃茄醬味道，而咖啡最好，好好飲，好有響日本飲咖啡的味道，超讚！好鍾意呢度，所以真係要多謝美都的趕客態度，俾我搵到間好味又好態度的小店！一定要再去食多幾次！

金陶軒團年飯

 童軍中心金陶軒團年飯，士多啤利雞翼、糖醋骨、斑頭腩、燒鵝、大蝦炸雲吞麵、炸魚腸、仲有好多。

立春日整月餅

我認我脾氣古怪乞人憎，所以而家就黎過年話要學整月餅，俾人笑，不停叫我學整年糕。哼！理得咁多，係都要金沙奶皇月餅！嘿嘿！

長沙灣程班長台菜

飲食男女平民版台灣菜，諗住應該無問題，點知...

周末晏晝三點幾，算多人，好多好似我咁，第一次去。

人未齊不可入座。入到去，一張四人方枱，每邊坐兩個，係，每坐兩個，一張四人方枱坐八個，仲要前後都有其他枱的人，背脊頂背脊，送餐的人來回走動都要坐直條腰俾佢過，坐響度已經枱柱頂腳，無咁多客人一齊坐時，侍應都仲係要客人迫埋一邊，隔離枱一有人走，大家都裙拉褲甩咁自己搬枱坐，坐得好辛苦，亦要縮起個膊頭黎食，搞到食得都好辛苦，仲要係一點都不便宜，划包要成三十二蚊，最離譜係跟餐收八蚊的烏龍茶包加熱水，食水太深！紅燒牛筋牛腩麵的牛筋老到咬唔開！可能租金好貴，可能人工好貴，可能工廠大廈裡面開店，大把客仔唔憂做，但作為客仔的我，只係知道響呢度食得好辛苦，以後唔會再想黎呢度食。

有緣小聚

士多啤利慕絲蛋糕

原來餅店賣緊嘅蛋糕係無雞蛋嘅，唔怪得咁平，又唔怪得咁多人會俾貴啲去烘培教室訂蛋糕。

自己整士多啤利慕絲蛋糕，材料掌握我手，全無添加，亦無化學劑，順便將個蛋糕用來慶祝生日，用自家製作烘培的貓咪曲奇加糖霜提字。好味道😊。

群記清湯腩

牛舌河超好味！不過唔平，$40/碗，仲要唔做外賣。