大中華飯店

網路勁多人推介長沙灣福榮街539號地下的大中華飯店，連大明星也來吃才是賣點，而我這晚無緣看到大明星，但真的很多人來吃，更有不少是我這類慕名者，不過明星愛吃的冰鎮墨魚，我卻不覺有何特別，一般而已。
鐵板黑椒豬手很受歡迎，豬手已煮好，客人點菜時放在熱的鐵板上，倒入黑椒汁立即冒煙，伴飯吃最一流。
貴村雞半隻要一百元，原來是麻辣雞，雞很滑，麻辣汁不錯，但以汁來說，我還是認為上環明記比較有好味道。
清蒸花甲夠大隻，鮮味，只是醬汁不太配合，沒加醬汁也很好味，靠的是花甲本身的鮮味。

椒鹽骨和炸大腸雙併很不錯，夠脆！

這個菜叫養心菜，味帶少許甘甜，像枸杞，據聞常吃對血管有益，只是味道不是人人可接受。

又係新志記

本來想去「泰」試試，點知，竟然，搬左？唔存在？總之，搵唔到，唯有去番熟路又熟悉，一定好味的附近，就係運動場道的新志記！

上次的聖子王太好味，今次再點！

蔬菜就無乜新意，本身蔬菜就係無乜新意，所以點了最保險好味的無新意蔬菜，金銀蛋煮莧菜。

我最怕一舊舊粉黎炸的食物，所以向來鍾意食蠔的我，會選薑葱蠔，隻蠔係大係細，一眼睇晒，今次唔肯食酥炸生蠔，但就膽粗粗贊成試下椒鹽蠔，點知椒鹽同蠔原來係分開上，蠔都係醮粉炸，只係無酥炸咁厚粉，心諗自己點錯食物之際～
嘩！原來～好～好～味～呀！！！
咁煎釀三寶呢？　三寶竟然係涼瓜茄瓜同青椒。

咪睇佢樣衰衰，但裡面釀左蝦膠，好好味道架！

下面碟田雞，白烚烚，賣相真係唔多好！

味道係～絕對的「淡出鳥來」，但肉質尚可。

至於XO醬炒帶子，係好多西芹，同埋片薄左的帶子。

比起以往我地成日去沙田禾輋大排檔果兩間曾經人氣的樂園同陳根記，呢間真係保持水準，好味又便宜，只係收銀果位阿婆，持續睬你都嘥氣的態度，一貫老舖的做法，不過，我地決定唔再去禾輋大排檔啦！果兩個檔的食物愈來愈差，有次問樂園收銀位阿姐點解咁差，佢竟然賴個大廚放左假，唔係呀！成個廚房，一個禮拜七日，大廚放假果日就搞成咁？當我傻架？

吃的簡單簡單

外出用膳會吃好的，在家則簡單一點。

儘管現在仍是電視汁撈飯的年代，但不再局限只是電視汁，還有Youtube汁。（笑！）我最愛看阿基師和詹姆士的烹飪節目，但不能餓著看，否則會叫肚子難受，最好還是吃飯時看。

這天的晚餐好豐富啊！有鹹蛋肉餅和蒸水蛋，前者是昨天的剩菜，後者是今天的鮮菜。