美國菜？Fish and Chips囉！貴價？係，貴呀！質素？哈哈哈！
$158牛扒套餐，包一杯餐紅酒和一個沙律。 
牛扒好味！當然好味啦！點可以話佢唔好味呢？$158 加多少少錢，可以響酒店食自助餐，食幾多塊牛扒都得啦！ 
天使麵，好味！當然好味啦！俾呢個價錢，點可以話唔好味？呃自己都要！ 
羊鞍唔夠羊味，亦唔算嫩，好好好雪藏呀！ 
近百元的漢堡包薯條，好好食，一定好好食，唔可以話唔好食，安慰自己都要！ 
套餐的甜品，芝士蛋糕，特別好食，好食，非常好食！唔話好食，點對得自己住。 
樣樣都好，好到唔使成日幫襯，間間美式餐廳都係咁，應該仲有好多好多間味道好過佢！