母親大人生日，特登去買個貴價蛋糕，三百五十蚊！賴係好特別咁，以為好有型．．．都真係好型架，開頭果陣！
嘩！嘩！嘩！好靚！要影相！要影相！
蛋糕出場，個個即刻攞手機，影！影！影！
影完一輪，唱完生日歌，吹熄蠟燭之後開刀，分好之後就開動囉！
結果係個蛋糕裡面好Plain，乜都冇，就只有蛋糕和少許忌廉芒菓碎，不太甜，很清爽，外面的禮物包就係Butter Cream.
講番正餐，大棚人，響屋企食啦！用出外用膳的價錢買好品質的食物啦！然後由家中大廚藝最好那位做廚師，我就負素清潔部，洗碗洗地抹枱。
XO醬爆養龍躉件
求其的白灼的蝦
蠔油海參
炒蟹
牛油焗扇貝
鮑魚仔
還要壽司同斬料
加多枝紅水一金田
第二日繼續同佢地去食野，元氣壽司．．．估唔到佢地好鍾意食帶子．．．真係識食！
晚飯之後係宵夜，去左大圍雞粥果頭．．．
酥炸白飯魚仔同泥蜢粥
其實仲有避風塘炒蟹，但大家掛住食，同埋好辣，結果唔記得影相！
第三日送親戚返鄉下之前，去大埔食茶餐廳。
根據我地的為食朋友匯報，呢間係佢食過香港算最好味的腸粉，但我班親戚佢地竟然話呢度的腸粉唔夠鄉下的拉腸好食！我就覺得，呢間同鄉下的腸粉都好好食！哈哈！
