朋友突然急call去睇Eric Kwok音樂會，當然奉陪！音樂會本來只做兩場，後來加場，竟然加響前面，結果今日的第一場，變左第二場，不過應承左會出現的艾粒，就今明兩日先會出現，我都睇到佢地囉！
坐得好前，從未試過坐第一行！
李克勤係第一個出場嘉賓，開始時佢有埋過觀眾度同一兩個人握手，然後就行番上台。
去到我果邊，有觀眾響上面落黎諗住同佢握手，我好驚，人多擠迫係好危險的事，好彩李克勤無埋黎握手！
我聽佢唱歌好開心！
然後到梁詠琪出場
馬來西亞的女歌手Gin Lee雖然係唱別人的歌，但唱得好好呀！
阿Sa向來好努力，今晚見佢真人，嚇到我。。。佢。。。好瘦呀！太瘦嘞！我見猶憐，阿Sa你要食番多D嘢呀！身體健康好緊要！
Eason係全晚的焦點，歌唱得好，又活躍，全晚氣氛都帶動到，勁！
楊千嬅對高跟鞋與阿Sa的不遑多讓，前後踭都高，一步一驚心，但千嬅的後踭仲要係幼到。。。好驚佢會跌，要小心呀！千嬅唱得唔錯，連彭羚唱的歌咁難都唱得咁好聽！
蘇永康梁漢文Eason同劉浩龍一齊出黎時氣氛就好好，人多熱鬧呀！佢地望乜呢？
原來望大螢幕！
其實我幾鍾意官恩娜的歌，尤其果首＂千帆＂，佢又靚女。
官恩娜之後係劉浩龍唱歌
林子祥之前係佢太太葉倩雯，可惜Sally一直企响中間唱歌，我見唔清佢真人，當然影的相好模糊，所以不post出來。
又係Eason！佢真係好勁！
終於到艾粒嘞！
＂Do姐我好鍾意你！＂Ka Ka Ka Ka! ^0^
最鍾意見到葉佩雯出現，話晒係Eric Kwok成功背後的女人，之前無聽過佢的歌，今晚才知道，原來佢唱歌好勁，好聽，把聲好好，唔唱歌真係好嘥！ 佢第一套衫好靚，好有特色！
換左晚裝後同老公一齊唱歌，好Sweet！
楊千嬅再度出場！
今晚Eric Kwok的最佳男歌星係梁漢文（佢話昨晚係Eason，晚晚唔同），佢唱＂正氣歌＂好好聽，首歌的曲詞都好好。
最後Encore出場壓軸係Swing！
原諒我聽音樂會都有影相，因為見到咁多星，忍唔住，但影完就放低手機聽歌，聽下星星們現場唱歌的靚聲！
我唔係睇過好多場演唱會／音樂會，但呢一個音樂會，睇完離開時好滿足！亦好滿意！讚！
