欣澳轉愉景灣巴士入去，原來都幾遠。
愉景灣碼頭落車，行過去沙灘，沙灘唔算大，勝在唔多人。之後想行路去愉景灣北廣場，亦即係酒店果邊，點知係會行到好甘，太陽又曬！
其實沿海灘至酒店有海濱長廊就好好行，仲可以當做運動，可惜無長廊，要上山落山穿邨左繞右拐，結果係都要坐巴士，否則會中暑！
愉景灣北廣場外等巴士處，看到上落山纜車，上面似有觀景臺，其實果兩架係電梯，設計成纜車款，真有心思，電梯內一面是窗，真係好似坐纜車。
觀景臺其實唔係正式觀景臺，但眺望落去又睇到酒店廣場海灘，唔錯！
酒店食Tea Buffet，坐得舒服唔錯，仲有小丑免費扭波俾小朋友，出面仲有迷你型吹氣跳床免費俾小朋友玩，每節15分鐘。
