長沙灣程班長台菜

飲食男女平民版台灣菜，諗住應該無問題，點知...

周末晏晝三點幾，算多人，好多好似我咁，第一次去。

人未齊不可入座。入到去，一張四人方枱，每邊坐兩個，係，每坐兩個，一張四人方枱坐八個，仲要前後都有其他枱的人，背脊頂背脊，送餐的人來回走動都要坐直條腰俾佢過，坐響度已經枱柱頂腳，無咁多客人一齊坐時，侍應都仲係要客人迫埋一邊，隔離枱一有人走，大家都裙拉褲甩咁自己搬枱坐，坐得好辛苦，亦要縮起個膊頭黎食，搞到食得都好辛苦，仲要係一點都不便宜，划包要成三十二蚊，最離譜係跟餐收八蚊的烏龍茶包加熱水，食水太深！紅燒牛筋牛腩麵的牛筋老到咬唔開！可能租金好貴，可能人工好貴，可能工廠大廈裡面開店，大把客仔唔憂做，但作為客仔的我，只係知道響呢度食得好辛苦，以後唔會再想黎呢度食。

有緣小聚

士多啤利慕絲蛋糕

原來餅店賣緊嘅蛋糕係無雞蛋嘅，唔怪得咁平，又唔怪得咁多人會俾貴啲去烘培教室訂蛋糕。

自己整士多啤利慕絲蛋糕，材料掌握我手，全無添加，亦無化學劑，順便將個蛋糕用來慶祝生日，用自家製作烘培的貓咪曲奇加糖霜提字。好味道😊。

群記清湯腩

牛舌河超好味！不過唔平，$40/碗，仲要唔做外賣。

韓食快餐Hungry Korean 超讚服務態度

Hungry Korean在尖沙咀銅鑼灣都有，最近開到將軍澳，經常要排隊，今晚想不到吃甚麼，就去排隊。

很快有位，安排不錯，快餐店方式先買食物再坐低，招呼及員工們態度十萬分好，真的很難得。超級讚！

點了不便宜的鐵板牛小排，即牛仔骨，跟數件年糕及一碗白髮，牛仔骨沒甚麼特別味道，所以$80有點貴。

雞翼四隻不很大隻，靠香葱和汁醬惹味，但對我這不吃雞皮的人來說，這雞翼是沒有味道，連餣肉也沒有處理過。

最期待的石鍋飯，韓式辣醬自己加，愛多少就多少，熱騰騰的有飯焦，很不錯！如能多加點芽菜、韮菜和紅蘿蔔絲會更好，它水份不足，吃了一半便乾咳，沒點飲品會吃得有點辛苦。

那一刻我腦中想起大韓航空的這個飯，只是沒有石鍋，但很美味，水份足，我怎會吃著石鍋飯卻想著飛機餐呢？！

今日之後又去左尖沙咀的韓登，係同類型食肆的第二次感受，點知。。。呢間韓登。。。Open Rice佢竟然有3星，真係想問有無打手俾多左佢！

醜蟲變蝴蝶

在西貢全記門口見過牠，不知是其麼，然後在大埔見到牠，檔口寫著「蝴蝶貝」，左睇右睇都不知與蝴蝶有啥關係。

決定買回家吃，發現味道跟蜆類沒大分別，就是開了的殼，像展翅蝴蝶。

背放時像昆蟲，醜死了！看內殻才看到美麗色彩，真的不只是人，原來貝介類也一樣，不應只看外表，內在更美麗。

夏銘記魚片好味

蔡瀾推薦他的至愛「夏銘記」，駿發花園裡面。

魚蛋魚片真係唔錯，其他就唔覺特別，我還是喜歡深水埗強記外的大排檔。

難得好老店 - 美華飯店

開心西貢行

不裝飾的雞尾包

鬧市中的退役滅火輪