韓登

早兩個月響Hungry Korean食過，覺得唔錯，服務態度又好，所於今日同朋友響尖沙咀The One睇熊本熊展覽後，順便搵食時，就揀左呢間響四樓的韓登。點知...

女侍應安排我地坐低後，就問要茶定要水，咁就要茶啦！點知茶係薑茶，好甜的薑茶，真係估佢唔到！我地唔飲甜的，所以請佢地俾杯水我地，送餐到隔離枱（係就係隔離枱，但差不多就坐響我地旁邊，中間無隔離到）的男侍應，扮聽唔到，送完餐就行開，朋友不甘，繼續向遠離中的男侍應呼喚，但男侍應望到都無理，女侍應見狀，過來問要甚麼。

應該好快會送到黎的水，竟然係要再催一次先有，真係估唔到，原來佢地全部都有裝聾扮啞的問題！

仲有好多。。。再寫落去，睇怕可以出書。。。

以後都唔會幫襯佢地！當然佢地會好開心，少個人幫襯，佢地可以做少D。。。慢慢就唔使做。。。慢慢就無野做。。。