周末到太古城覓食，人山人海，價錢高檔，所以有下午茶的酒樓，特別矜貴。下午一點幾到太古城，鍾菜下午茶兩點開始，一點半派飛，所以決定等，結果兩點半先有得食，算快了！
搞笑係特價點心紙有一款「白灼小玲瓏」，我們以為是白灼漂白魷魚牛柏葉之類，而且十零蚊，所以問都無問點了，上桌時才發現是它！哈哈！是了！十零蚊又點會俾魷魚牛柏葉，漂白過都唔平呀！ 
最讚是正價的鳳凰煎烏冬，惹味香口夠特別！$88未計加一。
上湯炸粉果，細隻餡少，鳳城好好多！
田園腸粉雖是特價點心，十零蚊真係好抵，而且唔錯添！
腐皮卷普通，內容乏善足陳。
鮮菇魚肚（左）和奶黃馬拉卷
剁椒雞柳真係好好好．．．唔辣！又係喎！辣椒真係剁左喎！無話過會辣呀！
其實我們想吃乳鴿和小龍飽，但侍應話兩樣都沽清，所以無得試下好唔好食。