又係昂坪

熱到跳舞的日子，無奈又要去坐吊車，又要去昂坪，又要去寶蓮寺。

成人 $115普通車來回，水晶車（玻璃底）更貴，也可一程普通一程水晶。全部都要搭坐，就算你一家幾口，都要同陌生人搭坐一架車。
閒日都咁多人，暑假即係暑假！
以前，360吊車響吊車將到昂坪車站時，設了靈猴攝影機，吊車差不多到，便有大字標題叫大家笑，然後看到一下閃光，吊車便到站；或許這個方法，很多遊客都沒注意到，結果沒望鏡頭的，當然不會買回自己的相片，而隨著遊客愈來愈多，經常「搭」車，那背向靈猴攝影機的遊客，也不會買回自己的相片，所以．．．現在360派出職員，在東涌車站月台，遊客上車後，拿著攝影機替遊客拍照，一定會全員望鏡頭，也可你家得你們，我家得我們，你家不會有我家人，我家不會有你家人，然後將相片傳送到昂坪站，職員將人頭key落設定背景，印大相，做匙扣和水晶球，等你來幫襯。哈哈哈！幫襯率比以前高呀！收費比澳門新濠天地要貴！

嘩！機場呀！睇下！有隻飛機起飛呀！嘩！又有飛機起飛呀！（機場梗係有飛機起飛啦！唔通有火車起飛咩！講野用下腦好唔好？）

下面有路喎，係咪可以行山架？（係呀！仲唔跳車落去行？）

英雄無用武之地

點解吊車要排隊？呢度又唔係人山人海？人從那裡來？

今次個門面靚過上次黎果陣，果然門面功夫做足．．．

曬！

我佛慈悲

樓梯一級又一級行行行，汗水一滴又一滴流流流！

又一個門面

有牛

回程，排隊一個鐘才上到吊車！兩位鄉下來的大鄉里，習慣性排排下隊要打尖，前面一雙戀人很無奈！先生小姐，不用無奈，他們打尖又如何，要跟我們一起才能上車啊！睇下佢打尖打得幾耐囉！突然，我瞄準機會，大聲跟大鄉里說：排番落黎啦！唔好打人尖呀！）

後面小伙子，多次想打尖，打呀打，打成功了！好！我讓你打尖，站在你背後，讓你排在我前面，如果你不用等我後面的人，那你就真正打尖成功了！你的家人在我後面呀！（他多次轉身跟家人談話，發現有一個我緊貼阻擋，結果無癮，自己走回後面，沒有再做出「想」打尖的動作了！）

若非有兩個異國「搭」客，我一定搖搖，搖搖到鄉下人扶甩中間條柱！

排隊排到日落！

鹹蛋黃間下沉

夕陽無限好

只是近黃昏

原來，車站是看到泳池的！

不要再去昂坪！不要再坐360！不是昂坪差，不是360差，而是旅遊點，無需要去得咁密！