翻撻完又翻，翻到我都覺得悶，但發仔記下個月就暫時結業，到時去鴨脷洲先再搵第二間試啦！今日只好又再係發仔記！
今次點左大條的泥蜢同埋上圖的金鼓。
因為有小朋友參與飯局，而小朋友超愛肉餅，所以又點了肉餅，小朋友問點解個鹹蛋黃係扁身？其實佢無發現，成碟肉餅都無鹹蛋白，梗係啦，個鹹蛋黃係用乾身果種，唔係成隻蛋打出黎架！
沙蜢粉絲最好食梗係粉絲啦！
點解成日幫襯發仔記，其中一個好大的原因，係老板會攞最凍的啤酒俾你，熱到跳舞的我坐低即飲，C服晒！
煎青根香口好多，小朋友最鍾意！
通菜鮮魷都唔錯！
睇怕呢個月都會去多次發仔記，今次會預訂一些平時無的菜式，作為告別發仔記的特別晚餐！哈哈！
