早餐後出發到祖谷溪，途中見到有甲蟲車玩，就隨心下車玩一下甲蟲車，當然它比較適合小朋友，但這裡卻是大小朋友都玩。
甲蟲車果然行得唔快，行完一圈就結束，但它帶我回舊式遊樂園的感覺。
甲蟲車之後繼續出發，去滕蔓橋。
黎到之前睇過唔少Blogger的相，覺得條橋唔係咁恐怖，所以一啲都唔擔心，點知...原來恐怖點不在於條橋的空隙有幾闊，條橋有幾高，而係條橋有好多人，又有好多旅行團，我後面的日本大嬸鬼殺咁嘈，不停叫人向前行，其實個個都向前行緊，咁梗有人行得慢啲，有人行得快啲，後生就話行得快，但好似我呢亭老人家的人都唔少，係咪應該忍一忍，慢慢行，順便睇下橋上風景呢？？？真係好想鬧呢個大嬸，佢好嘈呀！！！
行完橋就會見到有個石灘仔，可以落去行下。
不過要小心啲，有啲石好滑！
落河溪影相後，出發去小便小僧，佢無電話號碼，又無map code，好多blogger話駕車會經過，點知我地行果個方向係唔會經過，結果要搵，行左條又窄又九曲十三彎的路，以為行錯，點知真係啱，小僧所在位太古怪。
原來條路好窄，讓車時仲high花左小小。
本來想去金刀比羅宮，但玩完祖谷溪後，開始天黑，所以不去，直接去東橫，去到又要搵泊車。
之後去左一間店食魚生。
之後我地繼續食燒鳥，點知揀錯舖頭！
（圖片中的京都係打錯啦！呢度係高松！）
（圖片中的京都係打錯啦！呢度係高松！）
入到呢間店裡面，一個客都無，諗住咁晏，可能啲人走晒，問下老板收工未，佢話未，仲好好人，咁我地就坐低，傾左一陣，老闆話之前也有一對香港來的女生來光顧，他好開心喎。
我地點完串燒，就先上啤酒，等左好耐仲未有串燒上枱，明明無客。。。點解。。。然後老闆就出黎話唔好意思，請我地等多陣，咁我禮貌上就話唔緊要，慢慢啦。。。點知呢句慢慢啦的禮貌說話出事了！佢地真係慢慢，慢到。。。
原來店面入面係廚房，但廚房側邊仲有間房，就係俾一棚訂左房的客食野的客室，裡面有好多人，唔怪得店面無客，但成日見到廚房有人走出黎上廁所，結果係佢地真係做晒客室的食物先做我地的串燒，仲要係無味道，好雪櫃出黎的串燒，價錢唔平！
我地點完串燒，就先上啤酒，等左好耐仲未有串燒上枱，明明無客。。。點解。。。然後老闆就出黎話唔好意思，請我地等多陣，咁我禮貌上就話唔緊要，慢慢啦。。。點知呢句慢慢啦的禮貌說話出事了！佢地真係慢慢，慢到。。。
原來店面入面係廚房，但廚房側邊仲有間房，就係俾一棚訂左房的客食野的客室，裡面有好多人，唔怪得店面無客，但成日見到廚房有人走出黎上廁所，結果係佢地真係做晒客室的食物先做我地的串燒，仲要係無味道，好雪櫃出黎的串燒，價錢唔平！
