好無聊咁又影左飛機餐，飯係好食過意粉，而回程沒再影飛機餐，兩個選擇都係飯，一個雞一個豬，豬好食過雞。（真係好無聊，咁都講一餐^0^）
好準時3點降落關西機場，我地好快去到Toyota租車。今次職員詳細講明2件事，第一件係要小心駕駛，因為交通意外多了；第二係入油要用紅色槍，即regular，千萬不可用綠色槍，即柴油，可能愈來愈多油站不請人，變自助就算，租車客唔識日文容易入錯，又或者有貪平者不理人家車子死活...。
原來關西機場去和歌山好近，半個鐘就到，我地好快咁又去到和歌山駅前東橫Inn，check in後周圍行一陣，五點開始天黑，而商店街大部份店舖都收工了，見到一個婆婆在收拾生果檔，便上前幫襯。
剩番三個南水梨，每個¥150，但開始熟到快爛，¥200賣俾我們，我們沒講價，是她找錢時主動減價。我們另外多買一些富有柿，也是很熟的，所以又便宜了。其實，不是我們專挑熟水果，而是她檔攤賣剩很少，我們沒選擇。
無無聊聊無野睇，我地就無無聊聊咁選擇了一間自助任食火鍋店，價錢係男生比女生貴少許，而飲品及肉片全要另外付費點的。
食完就返酒店，第二朝我們先到大阪城看看有沒有紅葉，博一博，結果當然沒有啦！
