自己做Macaron

自己試過幾次，第一次應該無錯，如果唔係唔識較火候，應該成功，但結果焗極唔熟，失敗左。第二次做型好差，杰撻撻，唔平唔光滑，但味道唔錯。之後。。。

總之就係失敗，但好唔想再用第一次的方法做，果次係跟書，一本專講馬卡龍的書，複雜到。。。唔想再跟佢做多一次！！！

咁落去唔係辦法，所以就去上堂，老師果然係老師，材料簡單過程簡單，兩粒鐘搞掂，仲可以自己做到唔明時打電話問佢。就係咁，我就做到呢底人生第一底超靚的馬卡龍！然後我返屋企試。

結果唔錯呀！仲一次過整左三底，不過個面仲係唔夠平同滑，應該係我搞佢唔夠時候。粉紅色同藍色都係食用色素，基本上食佢味道係一樣，淺啡黃色就唔同，超有紅莓味，好好味，因為落左紅莓粉而唔係色素，可惜落粉唔可以多，紅色的粉焗出黎變左淺啡黃色，賣相有差。下次試整朱古力、咖啡同緣茶之類睇下點。