其實，元朗和九龍灣的大榮華都去過幾次，灣仔就未去過，友儕每次提起佢，都異口同聲話侍應有性格．．．哈哈！今日我又同損友去元朗大榮華，唔係有心去，只因黃雨唔知做乜好，佢地又孤寒唔肯做要花費的活動，睇戲更加唔好預佢地，話要請我飲紅酒，原來紅酒係佢大老闆送出黎的年夜飯table wine．．．（無言）。
言歸正轉，左上角的家鄉蒸蠔砵，唔係蠔豉亦唔係生蠔，半生不乾的蠔仔，我比較唔係幾鍾意食，右上角的雜菇煮春菜，原來唔係街市賣的春菜，係芥菜，我諗都係春天的菜．．．（無言）。
左下角的炸米鴨係朋友選擇，我推介食米鴨，但我常食頭抽米鴨，但朋友揀炸．．．結果佢評論話同一般燒鴨無分別．．．（無言）
朋友話佢地唔揀飲擇食，魚當然要食，於是我地揀左麵醬蒸蚌立，然後其中一個話佢唔識食細骨，所以食魚背．．．哦！魚背．．．我就食魚腩啦！（哈哈）
好唔好食？唔係難食．．．呢一餐，三隻飯腳有一隻爛賤，菜式味道又唔特別，所以好難哽！（無奈也無言）
