好鍾意Pauillac產區的紅酒，見到呢個產區，我就會發顛，但佢通常都唔平，上次買左支second wine都已經好好飲，今次響惠康見到呢枝Lafite，三舊水都唔使諗，即買！要諗嘅係好唔好買多支，或者買多幾支．．．
我唔係識飲紅酒的人，又唔太識揀，唔識分，只係飲過一次Pauillac產區的紅酒，就鍾意左，最初仲以為呢個係佢個牌子，後來查互聯網先知係產區。
呢支酒寫住係collection，咁．．．而家飲唔飲得呢？定係要擺番咁上下時間先會好飲呢．．．真係唔知呀！唯有想飲就飲啦！
（後記）飲左一枝，再去買多枝，然後就無再買，因為佢唔係特別好飲，當然唔算差，既然仲有其他選擇，就無再買佢。
