今日去觀塘鱷魚恤中心彩晶軒，呢座商廈多酒樓，間間都豆膶咁大，繁忙時間等位人多，連電梯都爆人，上去容易，排隊之嘛，但飲完茶要走就大件事，部部電梯都塞滿人，次次都要坐電梯上左去先，再跟部電梯落番大堂，唔遊電梯河都落唔到大堂！
個人覺得彩晶軒的坐位好過百樂門，起碼寬鬆好多，百樂門個台阻住最唔好。
彩晶軒的點心款款都有七個字，名稱勁爆，要幾誇有幾誇，睇到眼花眼，其實只係睇最後三四個字得嘞，唔好嘥時間！
仲教埋你點劃點心紙選擇題，咪劃錯，電腦會搞錯架！
蛋散上面一堆堆七彩的糖絲好得意，但超甜呀！主角蛋散就真係．．．唔食唔係損失，食左會好後悔．．．猛問點解咁差！
