.JPG)
今日公眾假期人多做得辛苦，我都好理解，但使唔使用咁嘅服務態度，咁嘅面口對待客仔呢？枉你地夠膽響菜譜同宣傳單張上面印住呢八個字！
九點幾過晒晚飯高峰時段要幫襯，全場得幾桌有客，門口收銀問幾多位，坐底之後無人理，然後有個女侍由廚房行出黎，我已經等佢經過我個位先敢叫佢，落單時佢木無表情，唔知佢聽唔聽到，有無落錯，點完之後佢好冷漠咁問：要生菜定蘿蔔，唉！只好答佢蘿蔔。九秒九就唔見左佢，唔好話覆單，連佢要閃我都唔知！好！好！咁嘅服務態度！第日咪再話我地同胞有幾差，檢討下妳自己先！妳做服務行業，態度可以差成咁！
結果，佢當然落錯單啦！我要牛肉河粉，唔係金邊粉呀！頂！
想換番．．．？算啦！唔想再受佢氣，因為唔打算再幫襯。
埋單去到收銀果度，阿姐趕住執野計數，望都無望我地，咁點呀！！！哼！我知，而家佢地唔驚d客走數，因為我走數要俾警察拉，所以佢施施然，做完佢要做的野先，我俾錢佢，佢嫌張銀紙放得遠，唔係放近佢，就睥我一睥！頂！我無屈佢，因為佢由始至終，連頭都唔願抬，但為收錢，要佢抬高個低頭少少，所以唔高興，用吊眼方式黎望我，眼白多過眼珠，眼珠得半粒吊響上面，仲唔係睥我？雖然就只係睥左一兩秒，但我好嬲，乜野服務態度！我又無嘈無換野無煩過佢地，坐低點菜食野俾錢就係咁，竟然俾面色我睇，阿姐你地無野呀？有病去睇醫生啦！
