翠華？係，又係翠華！唔平喎！係呀！咁點呢？無法啦！唔係翠華就係太興，全部都唔平，咁．．．有無平d？有！不過果d茶餐廳水準參差，唉！
我最喜歡翠華的麻辣雞米線，可惜每次只得幾條米線，食完埋單行兩步就肚餓，真係好無奈，有時要再加個奶油豬，咁樣埋單落樓就好甘．．．再一次無奈！
最無奈係，翠華貴但客仔多，唔夠侍應，結果好多時坐低，好耐都無人理你。
遇到抹地時間就大鑊！唔知點解兩個抹地的地拖都好大陣臭味！係臭味，唔係漂白水味！有次有個阿婆同個經理投訴添！投訴又點，第日去到，地拖一出，咪又係臭到嘔！唉！
今日仲經典，坐低好耐終於搵到個人寫單，但碗米線遲遲未到，遲過我入黎的人，個個都食完，我三催四請，阿姐女侍應仲響我隔離大大聲嗌過去廚房話幾多號枱果碗麻辣雞米線好耐喎．．．全場都知我點左碗麻辣雞米線，使唔使俾個咪你呀阿姐？
