第一次幫襯Pasta Marche，睇見菜單．．．目瞪口呆．．．而家出街食飯，真係．．．好貴．．．單點兩個意粉，加埋一都差唔到百五至二百，咁不如點個最平的晚市套餐，連加一就三百蚊落樓，唔好諗住可以食得飽。
檸檬薄荷冰和蕃石榴熱情果茶，味道．．．嘿嘿．．．OK啦！
二人套餐得一碟意粉，仲有幾款小食選一，我選左炸雞塊．．．然後一人一球仔雪糕，同埋個沙律。
真係去稻香打邊爐會飽好多，起碼唔使返屋企煮麵，我本來想起身走人唔食架．．．哈哈！
不過，鯷魚醬沙律值得一讚，d蔬菜好好味道，仲插得好有型，個醬仲有係熱上，味道唔錯，呢個係套餐中最抵食嘅，因為佢單點要$119另加一，同埋侍應端上桌時，隔離桌的六位小姐食客都一齊望過黎，所以．．．呢個沙律真係好抵食！哈哈！
