早餐後又瞓到十一點先出發，去土城駅，轉2號巴士去甘川文化村。
入囗買份地圖，然後冇乜特別為蓋章咁行。
條樓梯髹到好似一本本書咁，好有心思。
可以影曬文化村全景的觀景台，另一面可見到小朋友玩樂場所，也見到釜山塔，原來呢度同釜山塔一樣高，而甘川小學校校舍好靚好大。
小王子日夜都看著這個文化村。
順便喺度食埋午餐。
跟住去釜山大學購物區買野同食零嘴。
黃昏時返酒店卸貨。差不多個個地鐡站都有呢種小食，栗子和吉士。
大約七點出發到南蒲，跟今天剛到釜山旅行的舊同事食飯。
我們光顧這家八式烤肉店，點的是八種不同餣味的五花腩，每種味道有半條肉，包括咖喱、香草等。鄰枱只點原味，都有4條五花腩。吃完便叫侍應給飯，拌紫菜撈到那海鮮湯𥚃，全收乾水後便可吃鍋巴。
