響地鐵買單程飛去沙上轉車，入晒錢之後佢唔出飛！結果㩒制call職員，佢用韓文係部機嘅揚聲器講左幾句，我用有限公司嘅英文同佢講入左錢冇飛出，佢用英文問我「Do you need help」，我當然答「yea」，我懶到連個「s」音都冇發出聲音。
等左一陣，職員就黎到，佢比尋日果位仲乾脆，冇幫我地買過張飛，而係直接俾錢我響隔離部機買過張飛，而佢就打開之前部機度門修理。
住西面真係好方便坐早機，去到機場約六點半，tax refund、還wifi 蛋、寄行李、過海關，七點就搞掂晒。仲有時間食早餐同買下手信添。
8點正好快起飛，最正係11點就腳踏實地，等緊行李出黎，坐車少人唔使站站又停又等，12點中午返到屋企仲可以同屋企人去飲茶添！
