入站前響門口的遊客詢問處査問幾點鐘有火車經過，然後入去影下相，火車經過時又影下相，火車走左我都走，門口就有巴士站，上車入錢，行到見到好多帳蓬的地方按鐘落車，果度係余佐川。
余佐川好長，櫻花滿開期已過，所以向帝皇山公園方向慢慢行，影下相。
經過隧道仔出去搵食。
食完行去帝皇山公園。
我冇行365級樓梯上去，因為頭先行路去慶和站已很累，所以坐䌫車，佢地會計人數，不會迫埋一堆，買飛後上去坐住等，車程短但不等太耐。
上到去就上鎮海塔，有電梯，但好細，排隊等一陣，三兩部就到我，電梯雖然細，但個個都上八樓，冇層層停，所以唔會等好耐。
上到頂就360度影鎮海相。行樓梯落去，樓梯不窄，又開揚，行得舒服，中途有展覽廳。
落山就冇坐纜車，行樓梯。跟住又行番去余佐川。我冇去軍校睇（軍港節其中一個活動）。
行落余佐川，又響川上羅曼橋影相，套下攤檔的串燒雞肉，同埋雪糕。
呢種香蕉咁款嘅係雪糕筒，入滿軟雪糕，一路行一路食，雪糕有朱古力味揀，唔會食到成手係雪糕。
等余佐川著燈，行左入個公園。
愈近黃昏，條川就愈來愈多蚊滋，坐低仲俾佢地圍住，千祈唔好講野。
等到著燈，以為會靚，可惜射燈照住的櫻花已七零八落，靚D的櫻花又冇射燈照住。
行近總站搭車回釜山，途中竟遇射燈照啱櫻花樹。
又會見到夜市。
坐車返到釜山，響樂天附近求其食飯。
求其係會出事嘅！
呢間，湯係冇味嘅！豬肉片係冇味嘅！唔問佢係唔記得俾白飯嘅。套餐有飯。佢地趕住收工。
食完返去東橫睡覺，累了！
