響櫃員機提款，一睇就好顯眼係張銀紙其中一邊無左一大忽！點都唔會有人肯收！
星期六晏晝兩點幾，交通銀行！
點都換唔得番，企響櫃員機度呆左兩秒，無奈！
要等兩日！
好彩仲有兩百蚊救命！（如果係綜援人士，咁呢兩日點過呢？）
同朋友食飯，講開呢單野，佢叫我俾張銀紙佢去埋單，我話：「盲的都唔會收架，算啦！」俾張銀紙佢睇，佢無言以對！
同另一朋友食飯，又講呢單野，佢即時反應：「細行係咁啦！有乜理由數錢果個睇唔到？放落機度數都睇到啦！俾著匯豐之類的大行，就唔會咁樣！」
呢個反應真係好中肯！
星期一去銀行換番張銀紙，個女Teller望望下，又俾佢隔離果個望望下，然後換過張銀紙俾我！
好彩條金屬線仲響度！好彩個號碼仲響度！好彩．．．如果佢地唔小心收左張假銀紙，又俾我咁好彩提左出黎，然後好好彩咁去佢地度換，我呢次仲唔好好彩咁有皇家飯食，水洗都唔清咁響監倉度抗通脹？以後銀行大裁員，都唔知可唔可憐佢地好！！！唉！
