不是不想支持老店，但明明無坐滿客，差不多每張枱都只得一兩個客食緊，但美都話而家無位喎！哦！咁咪去第二度，反正美都的生意唔憂做，自己店舖自己人唔使好大皮費，唔想招呼咁多客，唔想廚房做得咁辛苦，唔想人多搞污糟要抹地果位仁兄咁辛苦，咁我就唔好阻住，所以唔會係度等，美都各位慢慢食慢慢做慢慢...。
求其行，見到呢間小店唔錯，入去碰下運氣，它的食物似我地兒時快餐店的味道，價位亦唔錯，蕃茄炭燒雞扒意粉連即磨咖啡都係$47，咖喱菠蘿漢堡扒意粉連即磨咖啡$35，味道唔錯，尤其雞扒好好食，蕃茄醬好有新鮮蕃茄味而唔係人工蕃茄醬味道，而咖啡最好，好好飲，好有響日本飲咖啡的味道，超讚！好鍾意呢度，所以真係要多謝美都的趕客態度，俾我搵到間好味又好態度的小店！一定要再去食多幾次！
