出前一丁要食日本來的，統一福字麵變成日清福字麵之後連味道也變了，公仔麵已經好耐無食過，日清杯麵亦都好耐無買，辛字麵薯仔麵芝士麵食得太多厭左要停一停，．．．真係唔知食乜好，結果即食唔得，唯有複雜咁食麵。
這個醮醬麵好讚，有三款味道，中間帶辣味的味噌醬最好食，醬汁亦最香濃，暫時只到Aeon超市有得賣，不過要成三十幾蚊，左右兩款Aeon都有得賣，價錢亦一樣，但近期都搵左唔少日本台灣韓國野返黎賣的樓上，竟然都有呢款麵，雖然只得左右兩種醬汁味道，但價錢就只需要二十四蚊，會員仲平多一蚊添，所以．．．
唔食唔得＾０＾
阿信屋都唔弱，賣呢款冷湯麵，可以加冰食架！
味道暫時只有醬酒味一種，鮮味就唔係好夠，食落就係豉油味，好簡單，千祈記住唔好加太少水，因為都幾鹹架！
