一早落樓下飲橙汁，然後出去食早餐，好享受日本小咖啡店食早餐的感覺。
Check out後到三井酒店後豐田租車，簽咭又多5%折扣。
出發到箱根元港，陰天。這次的導航有點難，我常錯過出口或轉彎位。終於十二點到元箱根港，遊客稀少，兩隻海賊船在碼頭無所事事。
先坐低吃個午餐，烏冬和漢堡set，貴！
開始雨愈落愈大，之後無停過，我們決定不行路去箱根神社，駕車去到仲要行少少，但大雨，帶去果把傘吹爛左，仲好凍，濕晒。
去箱根神社是為看一下那個像嚴島神社海中島居的平和鳥居，下去時見到有人滑到成個响石級趴低，雨真的下很大，石級也變瀑布。
就係呢個石級，三個女仔一齊行緊上黎，我地行落去，啲水就係咁爆布流落去，其中一個女仔在級邊，掛住望風景，就突然趴低左，朋友扶佢起身。佢好尷尬，我當然無影佢相，所以相片欠奉了。
相中三人不是那三個女仔啊！
雨大到無法去桃源台觀光，當然睇唔到富左山。我唯有先去outlet、以為會好啲，點知都係好大雨。成個outlet有好多吹爛了的透明傘，我們買的兩把也吹爛了！
六點到強羅季之花，check
in時職員說今天人客不多，我們選的單床西式房，可加三千日元升級到日式房，雖然好抵，但我拒絕了。
這酒店每房都有獨立風呂在露台的，原來是木造的日式浸浴缸，因為網頁有說明房內的不是溫泉水，所以我還是到大浴場去，我選這家的原因是它的浴場不是加水循環那種。
晚飯是餐廳吃的一房一桌，不錯吃！
房間露台外有簷篷，我估是遮擋樓上偷看樓下，也阻一阻想爬入房的人，但因下雨，的的嗒嗒在吵。
後來睇新聞才知。今日日本由南到東京，有好多航班欠航，鹿兒島大阪至東京在下「橫毆り雨」、「激し雨」，鹿兒島更有飛機準備中已滑左落坑。
