一直話扒王之王分店每間有級數之分，呢間去過幾次，人人都話佢唔係最高級，但亦唔係最低級，但我就覺得，水準就一次比一次低級，價錢就一次比一次高級！
套餐唔係個個都龍蝦湯，今日點的餐，只有一個係，否則要加$25，痴線！
沙律無特別，當然，正常！
焗蝸牛．．．
呢舊豬扒，價錢條半紅衫魚，係最好食的一個啦！
收成$188未計加一的所謂頂級牛扒，仲要做緊優惠喎，正價要三百幾蚊的牛扒．．．竟然咬得辛苦！之前唔係叫呢個餐，個經理話，如果叫我地原先點果個牛柳餐，試過有人咬唔到要換過俾佢，但呢個係頂級呀，仲非常強調原價三百幾蚊，而家抵食呀！咁．．．點解都咬得咁辛苦呀？俾原價果D咪傻仔？？？
雜扒．．．咪就係．．．雜扒囉！
呢個亦係頂級，但侍應將三個頂級餐的熟成度調亂晒，朋友要七成熟，就俾左我果個五成熟嘅佢，食到佢成口血，我要生啲，但就熟到咬唔開，真係想問下，之前逐個問我地要幾成熟仲乜呢，問左等於無問，侍應個個掛住睇手機，咁不如早啲執左佢啦！
