講到明唔做零售，挨年近晚去西環店買，未必有得賣，好多識貨之人會去掃貨，有時，唔係好多貨俾散客買，主要都係批發。
屋企樓下街市間雜貨舖，曾經有得賣，係老闆親自去西環買，後黎唔再賣，賣冠益華記，因為下下要去西環，費時失事，去到又未必有貨，所以唔賣，但佢要加多句：唔係特別好食啫，同冠益華記差唔多，唔明點解你地成日話要食余均益！
老闆自己究竟有無過余均益？如果食過都覺得同冠益華記差唔多，咁我諗佢係食唔到葡萄，所以覺得余同冠係差唔多啦！
余均益同冠益華記的辣椒醬，無話邊個好食邊個唔好食，係個人鍾意點樣的辣，點樣的質感，我自己鍾意余均係佢仲有渣滓粒嚮醬入面，食果陣好得意好特別，有好多味道，唔會單一係辣咁簡單。
而家仲keep住食余均益係因為．．．哈哈！有人可幫我買，所以我就可以繼續享受美味！^0^
