大堆頭關西四國遊_6_鳴門京都

下雨天。

本打算去栗林公園，但下雨，所以直接去鳴門。到逹時十點，想感受大啲的漩渦，要晏晝一點幾，所以我地先行渦之道再上展望台，食埋野先坐水中船。

不過，今日真係好細好細漩渦。

三小時車程經嗚門大橋，穿過淡路島到京都。

我地有啲人好多年前黎過，坐過水中船，今次有兩個未坐過，所以全部都坐船出海睇漩渦，除左我。我就響度買枝汽水，睇下手信，等佢地。 

今次駕車行鳴門大橋返京都。

見blogger話呢間酒店唔錯，又訂唔到東橫等住宿，就揀呢間，連住兩晚，酒店話upgrade左俾我地，嘩！有露台架！正！ 

酒店仲要每人每晚有一杯free drink，所以連續兩間都去Lobby個Bar度排隊攞野飲，都係揀 tequila sunrise、Gin tonic之類。

晚飯去京都車站搵，見有間迥転寿司排晒長龍，又有好多外國遊客添，所以我地都排，真係好好食，又平。