好味的豬骨煲，唔通真係要去西環坤記？！今日去左將軍澳坑口村的合時餐廳小廚食火窩，天寒地凍風吹剌骨，起爐後比較暖和，要了豬骨煲，有幾棵生菜，加個生牛肉和炒糯米飯。
其實豬骨煲的湯底唔算差，材料唔算差，只係豬骨比較差，無咁多骨髓的桶骨，好多煲完湯似的豬骨，間中一舊很油膏的豬骨。其實唔算差，只係豬骨比唔上坤記，坤記成個煲都愈食愈好味，愈食愈想食。呢間小廚比較強差人意的是跟那位矮少男老板要了兩罐汽水，他二話不說，甚麼也不快，就是立即拿咭寫單，然後竟然唔係第一時間去取汽水，而係見佢遊下遊下，完全無取汽水給我們的意圖，於是我叫行過的阿姐取！阿姐們都係遊遊下，真係激死！
