朋友個朋友個伴響迪迪尼做，年年有飛年年帶朋友入去掃貨，只係入去兩三個鐘，真係只為買野，除左第一次有玩，之後無一次會玩，仲唔會幫襯食野，除左有食物飛，唔使錢就食，因為佢地覺得貴！入去買野唔貴咩？貴！但個朋友係工作人員的直系親屬，買野有六五折呀！六五折喎！幾吸引！結果佢地年年入去掃野食。無錯，只係掃野食，唔會掃玩具，因為佢地全部係C9。
朋友好豪咁送左罐朱古力脆脆俾我，好食唔好食都唔使話番俾佢知，而呢個脆脆係佢平時食開，自己鍾意食的。佢又好豪咁話，今次入去掃野掃左千七蚊，諗起人地要俾三千蚊先買到，就好開心咁話喎！哈哈！真係咁開心？真係著數左？哈哈！
